Skráning í hlaupið hefst 1.júní 2017 kl. 12:00


Næsta hlaup verður haldið 12. ágúst eftir :

0

Daga/Days

0

Klst./Hours

0

Mínútur/Minutes

0

Sekúndur/Sec

Helstu Upplýsingar

Smelltu á viðeigandi flipa hér að neðan til að nálgast það helsta sem þú þarft að vita um hlaupið

Í Jökulsárhlaupinu er hægt að velja um þrjár vegalengdir: 32,7 km, 21,2 km og 13 km. Lengsta leiðin byrjar við Dettifoss. Millivegalengdin leggur af stað frá Hólmatungum og stysti leggurinn byrjar við Hljóðakletta. Öll hlaupin enda í Ásbyrgi.

Ræst er í hlaupin á mismunandi tíma. Dettifoss hlauparar fara af stað kl. 11:00, frá Hólmatungum er ræst kl. 12:00 og frá Hljóðaklettum fara hlauparar af stað kl. 13:30. Þetta er gert til þess að sem flestir hlauparar komi í mark á svipuðum tíma en einnig til að nýta rútuferðir á rásstaði. 

Tímatöku verður hætt kl. 16:00 og þeir hlauparar sem koma í mark eftir það teljast ekki hafa lokið hlaupinu. 

Það eru 5 drykkjarstöðvar á leiðinni frá Dettifoss, 4 drykkjarstöðvar frá Hólmatungum og 3 frá Hljóðaklettum. Hlauparar sem fara frá Dettifossi og Hólmatungum eru hvattir til að hafa með sér drykkjarbelti þar sem langt er á milli drykkjarstöðva efst. Í marki er svo boðið upp á vatn, orkudrykki, gosdrykki, hleðslu, ávexti og súkkulaði. 

Á hlaupadaginn þurfa þátttakendur að mæta í Gljúfrastofu, gestastofu þjóðgarðsins í mynni Ásbyrgis, til að fá hlaupanúmer. Tímasetning mætingar er mismunandi eftir hlaupavegalengd 

 Hlauparar eru vinsamlegast beðnir að virða tímamörkin og vera mættir tímanlega. Hægt er að skipta um föt á salernum í kjallara Gljúfrastofu.

Hér er tímaáætlun fyrir mætingu, brottför og upphaf hlaupa:
Hlaupaleið  Mæting í Gljúfrastofu   Brottför rútu    Hlaupið byrjar kl.
Dettifoss - Ásbyrgi  08:30  09.30  11.00
Hólmatungur - Ásbyrgi  09.30  10.30  12.00
Hljóðaklettar - Ásbyrgi  11.00  12.30  13.30

 

Farið er á rútum að rásmarki á stöðunum þremur (Dettifoss, Hólmatungur, Hljóðaklettar). Aðstæður við rásmark eru mismunandi en gert er ráð fyrir að eftir rútuferðina hafi hlauparar einhverja stund (10-20 mín.) til að liðka sig fyrir hlaupið. Engin búningsaðstaða er við rásmörk og þar eru ekki vatnssalerni, aðeins þurrsalerni. 

Þátttakendur geta skilið eftir merkta poka með hlífðarfötum oþh. í rútunni og nálgast þá við markið í Ásbyrgi að hlaupi loknu. Ekki er tekin ábyrgð á verðmætum í þessum pokum.

Hlauparar eru vinsamlegast beðnir um að fara ekki á einkabílum að rásmarki. Bílastæðin á hverjum stað eru ekki stór og nauðsynlegt er að rúturnar sem flytja hlaupara geti komist greiðlega til og frá rásmarki. 

Forskráning í Jökulsárhlaup árið 2017 hefst kl. 12:00 þann 1. júní næstkomandi. Frá 1. júlí þarf að greiða fullt verð. Hægt er að afskrá sig í hlaupið fram til 15. júlí og fæst þá helmingur skráningargjalds endurgreiddur. Skráningu og greiðslu þátttökugjalda lýkur kl. 20:00 þann 1. ágúst eða þegar fullt er í hlaupið.

Hámarksfjöldi í Jökulsárhlaup er 250 manns og er það óháð hlaupaleiðum. Ef fyllist í hlaupið verður boðið upp á biðlistaskráningu. Þegar losnar um pláss vegna afskráningar kemst efsti maður á biðlista inn. Nafnabreytingar eru ekki heimilar.

Nýjustu upplýsingar og myndir úr hlaupinu er hægt að nálgast á facebook síðu hlaupsins


Það eru þrjár vegalengdir í boði, Hljóðaklettar 13km - Hólmatungur 21.2km -
Dettifoss 32.7km Allt frábærar hlaupaleiðir!

Hólmatungur - Ásbyrgi
12.500 kr.

  • Drykkjarstöðvar
  • Rútur í startið
  • Veitingar í marki
  • Öryggisgæsla
  • Læknir í marki
  • Gott veður :)

  • Verð í hlaupið hækkar
  • 1.júlí í 15.500 kr.
Hljóðaklettar - Ásbyrgi
9.500 kr.

  • Drykkjarstöðvar
  • Rútur í startið
  • Veitingar í marki
  • Öryggisgæsla
  • Læknir í marki
  • Gott veður :)

  • Verð í hlaupið hækkar
  • 1.júlí í 12.500 kr.

Kort af leiðinni

Hafðu samband og við reynum að svara um hæl